دلعــكمـ




أقول يـ ابو/ يـ آم . الشباب ماودك تناسبنا ترى ببلاش بدون مهر المهم إذا حبيت تناسبنا جيب معك ابوك اقصد لاتنسى تضغط > تسجيل وترى الرساله هذي وراك وراك زي ماتقول نشبه في حلق الواحد في ملاحظه ترى اذا سجلت نعطيك كرتون منديل مجانا هههههه يالله بالتوفيق لك .. اي لاتنسى تغسل اسنانك وتنام بدري


آهـلأ وسهلاً بك يا زائر في دلعــكمـ إن شاء الله تستمتع معــانا
 
الرئيسيةالتسجيلدخول

شاطر | 
 

 اجيبي لتعرفي هل زوجك يحبك؟

اذهب الى الأسفل 
كاتب الموضوعرسالة
دلعكمـ
o00الاآآدآآآرهـo00
o00الاآآدآآآرهـo00
avatar

دلع
انثى عدد المشاركات : 1093
نقاط : 1013
تاريخ التسجيل : 12/02/2009

مُساهمةموضوع: اجيبي لتعرفي هل زوجك يحبك؟   الثلاثاء فبراير 17, 2009 3:52 pm

السلام عليكم ورحمة الله وبركاته




كيفكــــم


عجـــبني الموضــــوع وحبـــيت انقله لكم .. lol!




ـ أجيبي لتعرفي ــ


هل زوجك يحبّك//ولا مايواطنك (يعني مايحبك )ههههههههههههههه




ــ توطئة ــ


هذا استبيان أو اختبار بسيط وهو عبارة عن مجموعة أسئلة وعدة اجابات .. تستطيع الزوجة أن تعرف من خلال الاجابة عليها أين موقعها من قلب زوجها و هل هو يقدِّرها والا وده يدقّ خشتها ..



بسم الله نبدأ



س1 إذ بغى زوجك يناديك :


أـ يناديك باسم دلع مثل : ( ياحياتي ـ ياعمري ـ ياعيني ) ـ
ب - يناديك باسمك : ( ياسارة ، ياريم ، ياميّ )ـ
جـ يناديك بكنيتك : ( يا أم محمد ، يا أم عبدالله، يا أم خالد )ـ
د ـ يناديك باحدى العبارات الرومانسيه التاليه : ( يامرة ـ ياهيش ـ هو هنا احد ) ـ



س2 وش تلاحظين انه :


أـ معسكر في البيت 24 ساعة واذا راح للعمل يغثـتس بالاتصالات
ب ـ يقضي أغلب وقته في البيت
جـ دايم يختخت للإستراحه ولربعة
د ـ ماتشوفين خشّته الا أوقات الوجبات ولا يجي للبيت الا قبل الفجر بنصف ساعه ـ



س3 اذا صرتي جالسه معه :


أ ـ يسولف عليك دايم ويتميلح ويحاول يستخفّ دمّه عندك ؟
ب ـ يسولف عليك سواليف عاديه .
جـ يسولف عليك الا قلتي له سولف .
د ـ مهوب يسولف أبد والا قلتي له سولف نزرتس و قال وش تبيني أقول ويلقط الجريده ويسد بها وجهه على باله انها يقراها .




س 4 لو تسوين له طبخة ولا تصير مضبوطه .. أما جت محترقه والا خانسه والا مالحة وجيتي تعتذرين له وش يقول : ـ


أ ـ يقول : أي طبخة منك زينه حتى لو تطبخين ضاطور ويجي خانس كلت يديني وراه ـ
ب ـ يقول : اللي يجي منك زين
جـ ـ يقول : افطني لطبختس واضبطي شغلك
د ـ يقول : بلاتس الرفالة الواجدة ولاتم تعودين لها يارفيله ـ



س5 الا قلتي له ودّني للسوق وش يقول :ـ


أـ أبشري ولو تبين جبت لك السوق هنا ولا خليتك تتعّبين روحك وتروحين له ـ
ب ـ إن شاء الله .
جـ كانك ملزومة وديتك هالحين والا خليه عقب .
د ـ معصي .. وماتلاحظين انك ذبحتينا بالسوق الا ماودك تطقين لك خيمةٍ فيه أزين ـ




س 6 ـ الا قلتي له عطني 1000 ريال ابفصّل ثوب لزواج اختي وش يقول :ـ


أـ مغير 1000 غالية والطلب رخيص .
ب ـ خذي ولو ان الألف واجد .
جـ ماتكفيك خمس ميه .
د ـ وشي ألفه ؟ لو تفصلين لك فستانٍ بمية الف منتي زاينه خذي ميتين بس ودوري لش أيّة خلـَق ورجّعي الباقي ـ




س7 ـ الا قعدتي تموّلين وانتي تقطعين السلطة وش يسوي رجلك :ـ


أـ يجي يقطع السلطة بدالك ويقول لك : غني لي شويه شويه .. والسلطة خليهاعليّّه ـ
ب ـ يقول لك ارفعي صوتك وأطربينا
جـ يقول اقصري حسّك شويّ
د ـ يقول لك ورى العنز صجتنا قطتس ماحطيتي لها شعير اليوم ـ




س 8 اذا صار زوجك عندك في البيت وش تحسين انه :


أـ يكشخ ويتمكمك ويتطيّب ويتس*** وكل شويٍ يتنظّر كنه يبي يروح لعرس
ب ـ يكشخ على خفيف
جـ ـ مرٍ يكشخ ومرٍ يطنش
د ـ يطق سروال السنة .. 24 ساعة.. والا خربها وكشخ لبس قميص النوم المقـلــّم ـ




س 9 الا قلتي له أبروح أزور أهلي يومين بس .. وش يقول لك :ـ


أ- يومين كاملات !! مايكفي يوم والله يصبرني على فراقك
ب ـ أبشري بس يومين مافيه أكثر
جـ ـ مايخالف وان بغيتي تجلسين أكثر ماعندي مانع
د ـ مغير يومين ؟ ماتسوى العنوة ماودك تقعدين عندهم شهر ترى ذولا أهلك ولهم حقٍ عليك وان قعدتي شهرين بعد مهيب شينه ـ


ياكثر اللي بينفضحون في ذي ـ



س 10 الا قلتي له تحبني وش يقول :


أـ " منيب أحبّك أنا والله من حبّك .. أحبّ حتى ثرى الارض اللي تاطاها " ـ
ب ـ أجل ما احبك
جـ يعني مرّ ومرّ
د ـ ياشين العجز الا جن على بالهن رومانسيات أقول خلي حركات المراهقه عنتس و هذا اللي جنيتيه من المسلسات المصرية .. قومي كبي الجريش بس تراه داقّني الجوع ـ




س 11 وش تلاحظين انه :


أ ـ يجيب لك هدايا دايم ويكتب فيها أبيات شعر غزل ـ
ب ـ يجيب لك هدايا أحياناً
جـ يجيب لك هدايا الا جاء من السفر ولا هوب قبل بعد .
د ـ ماعمره دخل الا وهو مدودل ٍ يديه ولاعمرك شفتي منه شي عقب الشبكة ـ



س12 إذا كشتّي انتِ واياه في البر وقلتي له وش رايك نمرح فيذا الليلة وش يقول


أ- تامرين أمر .. ودامك معي لو تبين نمرح في عشّة غنم ماخالفت


ب - والله ان ماودي مرة بس كانك صاملة مايخالف


جـ - ودي نمرح فيذا الليله بس إني أخاف تغثنا القواريص


د - وش اللي نمرح ، تبين عشان تقرصك عقرب والا دابّ وأبلش بك يالله بس مشينا ماعاد الا خير




وهالحين ناظري النتيجة :



اذا صارت أكثر اجاباتك بحرف الألف : ـ


فترى زوجك ضايعٍ في خرايطك ودايخٍ معك ورايحٍ معك خرخر ولو شبيتي له ضوّ وقلتي طبّ فيها قال آمري بس تبيني أطب ( لقّافي ) والا ( محيفرة ) .. و أنصحك انك تحافظين عليه وتحاولين انك تشوفين وش الأشياء اللي محببته فيك وتستمرين على فعلها .. عشان تستمر هالخقّه




واذا صارت أكثر اجاباتك بحرف الباء :ـ


فاعرفي ان زوجك يحبك مرة بس هالحب من المحتمل انه يقل لو ضيقتي صدرة ببعض الاشياء فانتبهي له . ـ



واذا صارت أكثر الاجابات بحرف الجيم :


فاعرفي ان زوجك مهوب يحبك مرة ودوّري الاسباب اللي خلته مايحبك وحاولي تعالجينها .. والا تدرين عطيه أشكل بس أريح لك ( ا لله من زين النصيحة ) .ـ



أما اذا صارت أكثر الاجابات بحرف الدال :ـ


فإعرفي ان رجلك مهوب يحبك، ولا يواطنش في عيشة الله .. و أيّسي انه يبي يحبك لو تحطين له الشمس ساعة في يده ، وتنظمين النجوم ( صنقل ) لها .. وتحلبين له خنفسان وتخرفين له من البرسوبس تمر برحي ، مهوب حابك .. هذا شاطبٍ عليك شطبٍ مافيه ملح أكود من شطب جمهور الهلال على البلوي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
دلوعة زوجها
II مشرفه II
II مشرفه II
avatar

انثى عدد المشاركات : 319
العمر : 30
نقاط : 146
تاريخ التسجيل : 12/02/2009

مُساهمةموضوع: رد: اجيبي لتعرفي هل زوجك يحبك؟   الخميس مارس 05, 2009 6:33 am

هههههه
انا صار تعادل
5 أ
5 ب
2 ج
وش اصير

يسلمو دلعكمـ
ولا تحرشينا على رجاجيلنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
قرةالعين
عضو جنااااان
عضو جنااااان
avatar

انثى عدد المشاركات : 130
نقاط : 287
تاريخ التسجيل : 23/04/2009

مُساهمةموضوع: رد: اجيبي لتعرفي هل زوجك يحبك؟   الأحد مايو 24, 2009 1:07 pm

تسلمين ياقلبي
اتمنى نطلع احسن شيء
موضوع رائع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
اجيبي لتعرفي هل زوجك يحبك؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
دلعــكمـ :: (¯`·._.·(دلعكمـ الاسرهـ والجمــآآآلـ)·._.·°¯) :: الحـيآهـ الزوجـيه-
انتقل الى: