من أجمـل مآقرأت وسمعت )..!!!

ودي اموت اليوم واعيش باكر..... ... واشوف من هو بعد موتي فقدني

ومن هو حملني لين ذيك المقابر......... واشكر انا كل من كرمني و دفني

وبشوف يرثيني انا كم شاعر.......... ومنهو تركني وما كتب شي عني

شخص تعنالي مع انه مسافر .......... وشخص قريب وانا ميت طعني

وشخص يمثل دمعته ماهو قادر ......... وشخص تطيح ادموعه كل ما ذكرني

ومنهو من اهلي في العزى كان حاضر ........ ومن هو دعالي في صلاته ورحمني

ومنهو بنى باسمي سبيل ومنابر.......... ومنهو يفز قلبه الا من لمحني

ومن عشاني طول الايام ساهر........ ومنهو ثلاث ايام راح وتركني

ومن هو يرتب غرفتي والدفاتر......... وان شاف صوره لي مات وحضني

يالله عسى ما تخفى كل المشاعر......... ويالله عسى ما ينصدم يوم ظني

خايف يروح العمر واكون خاسر.......... وان طار طيري ما يفيد التمني

وخايف يجيني وقت اكسر خواطر ......... ان دارت الدنيا وزماني كسرني

ومدام هذي الدنيا صارت مظاهر ......... وكل من على كيفه وجوه يغني

صحيح مسلم لكن الهم كافر ......... كل ما بغيت اضحك يهددني حزني

الضيق وافي والحزن حيل وافر.......... والجرح اكثر شي شفته يحبني

عايش وميت بين ماضي وحاضر .......... والصبر مفتاح الفرج ضاع مني

قل وش تبي وتتركني يا حزني امر .......... مسكين فرحي تصدق انه وحشني

شاعر ولكني ماني بشاعر .............ودي اموت اليوم وارتاح مني

وسسسسلآمتكم

وهذ1 المقطع لنفس القصيده هذي صراحه قمه في الروعه اتمنى تنال اعجابكم

https://www.youtube.com/watch?v=qHuiuxvhoE4&feature=related

تحيااااتي لكم..؛؛

ربي يسلمك يالغلا
فديت هالذوووق ومنبعه
ربي يخليك ويحفطك يابعد روحي
تقبلي مع خالص الحب مروري

<<

تسلمين يابعدي
ومشكووووره عالمرور يالغلا.؛؛

عاد احمد الصانع روووووووووووووووووعه بالمرة وكثير اسمع له

اختيارك رووعه قصيده

وننتظر الاروع منك

تسلمين

مروووورك الاروووووع
ربي يسلمك
ربي يعطيك الف عافيه يالغلا..؛؛