روائع الشعر والشعراء

*ودي بك وابيك وابغاك واباك ******جمعتها لرضاك واختار فيها

كانك مشكك في الوفاء والغلا هاك*****جوالي اقرأ القائمه كل ابوها

رقمك مع الصادر ولا وارد سواك******والناس في اللي لم يرد عليها

*********************************
لا ضاقت الدنيا عليك وتشاويت @@@@@@@@ خلق اللة اللي في الرخاء كان واجد

ومن العرب والصوت والثوب مليت@@@@@@@ وقامت عليك هموم بقعاء تراجد

فرفع ايديك لخالقك لا توضيت@@@@@@وادعو تراك اقرب الا صرت ساجد

وابشر بفزعة حامي الدين والبيت@@@@والا هجدك من الهواجيس هاجد

************************************

ليه المساء عوق الشقاوي وطبه ********* وليه الهبوب تصحي القلب لا بات

وليه القمر يدعي جريح المحبه ********* ويقول ياهيه ما فات ما ما

جرحك ظهر لو قلت للوجه خبه ******** وللحزن في ضحكك رسوم وعلامات

وليه المطر بالذات ريحه وصبه ********* كنه رسول بين الاحباب قد داج

اشتاق فيه لشوفتك وأتنبه ********* للي نسيته من مواقف ونظرات

لستانس الخافق ذكر من يحبه ********** ورجاى يراجع في الوناسات مافات

يامرتع القلب الحزين ومربه *********** يزين بك مثل الذهب في صدر الابيات

هيهات يأتي القلب شخص لعبه ********** وهيهات يدله خاطري منك هيهات

نبع الغلا عندك وعندي مصبه ********* ومن الولاء في خافقي لك ولايات

وطيفك حطب عيني وعيني مشبه ******* والشوق برد انقطع مثل لحظات

ومكانك الصدر ولك القلب شبه ******* بين الضلوع اللي وجعها التنهاد

ولك بيرق في القلب لحبك يسبه ******* شامخ ولا هزه من العذل غارات

محبتك في الوقت ذا ما تشبه ********* الا بخيمة بدو بين العمارات

شفتني ضايق واهوجس واسبه ******* اخاف غدر الوقت يلف دورات
*
لاتحسبن دمعي نزل دون سبه ********* ابكي من الفرقى وهي ما بعد جات

اليوم كل امورنا مستتبه *********** وبكره ماندري وش معه من مسرات

ارب قلبك مثل قلبي اربه ********** ميخلفه كثر العذل والمسافات

ولا يحرمنا

اللي مشرفنا

كبرياء يعطيك الف عافيه على مرورك

يعافي قلبك

كاتم منور بمرورك