يا متعب القلب قلي ويـش غلطاتـي ,,
إن كنت أنا أقدر أعدلهـا .. بعدلهـا ’’
/ /
لاصرت تجهل عناء الدنيـا .. وضيقاتي ,,
من دون ماأشرح لك أوضاعي تأملها ’’
/ /
الوقت ضدي .. حرمني من ملذاتـي ,,
والصد بعدك ذبح روحي .. وكملهـا ’’
/ /
لا .. لايغرك كثير الصمت .. وسكاتي ,,
خل المشاعر تقول ( الآآآآه ) وإسألهـا ’’
/ /
يسكني الحب .. واضح من عباراتـي ,,
وش عـاد لجلك حروفي لـو أدلـلـها ’’
/ /
عذبني الشوق وأسرفـت بخيالاتـي ,,
روح ٍ تحبك دخيلك ليش .. تهملها ’’
/ /
ياليتك أشوي تشعـر فـي معاناتـي ,,
دنياك يمكن عليك تضيـق باكملهـا ’’
/ /
الحزن كنه سفيـري فـي علاقاتـي ,,
والهم خيّم على حالـي .. وطولهـا ’’
/ /
أغديت دربي وتاهت فيـك خطواتـي ,,
كل المواعيد مدري ليـش تجهلهـا ’’
/ /
سنين أحاول وضاعت كـل حيلاتـي ,,
ماتدري إني ( حيـاة الـذّل ) مقبلهـا ’’
/ /
لاجيتك اسأل وأدوّر فيـك ضحكاتـي ,,
كنك تعمد بيديـك اليـوم .. تقتلهـا ’’
/ /
لا تترك الظـن يلعـب بأحتمالاتـي ,,
الكلمه اللي تحزّ بخاطـرك .. قلهـا ’’
/ /
تعال شفني وحـس بحـال لوعاتـي ,,
كن الدقائـق بدونـك عـام مطولهـا ’’
/ /
متى التباشير بقدوم ( الغـلا ) تأتـي ,,
فرحة زماني بشوفـك مـا تخيلهـا ’’
/ /
خلاص صبري تعـدى كـل هقواتـي ,,
أتعبت نفسي ( أعزيهـا .. وعللها ) ’’
/ /
أبيك تنسى وتدمـح كـل ( زلاتـي) ,,
بعض البشر صعب مانقـدر نزعلهـا ’’
/ /
والحين جيتك أبمسح كـل غلطاتـي ,,
دنيـاي دونـك وربـي ماتحملهـا ’’
.......................
موضوع: الحـزن كنه سفيـري في علاقـاتـي 
