للكبار فقط..اذا كان عمرك اقل من 18 استشر والديك ثم اتصل><هع

.

حسية الموضوع تووووووووووووووحفا وحبيت انزلهـ هونـــ

ناظرتهـ في منتدى/// التعليق على خربشات الي كاتبتهـ حطيرهـ

تفطس ضحكـ

:
:
:
:

.

قسم بالله اللي بيحتسي والا يقول كلمهـ..... ابو الطيب من اصلهـ << وحدهـ قاعدهـ تكتب موضوع طول اليوم واخرتها ضااااااااااااااااااااع اااااااااااااااااااااااااااهـ << راحت تنتحر

يالله موب مشكلهـ بأتخيل نفسي موب انا واروق ..

أولا..
قد يقول بعضكم وش تبي ذي..لكني وحده ماخذه 3 في اختبار النحو وقاعده اجرب لغتي عليكم..
بالله احد يعرف مدرسه عربي شاطره وتجي لبيتنا << متعقدهـ ..

ثانيا..
هذا الموضوع يحمل من الفوائد مالذ وطاب..لايقعد احد منكم يتميلح علي..اذا لم يعجبكـ اظهر وانت ساكت..

ثالثا..

رد زي الناس..ردود تسليكـ بأحذفها..بكيفي..موضوعي وقسمي ومراقبهـ و احد عنده اعتراض..

رابعا << جازت لها السالفهـ..

لا بس بأقول لكم تراني بأبدا..

في احد العصور الغابرهـ او عصر الديناصورات..وقيل القرون الوسطى ولكن بعض الاقاويل رجحت انهـ حدث في سنة الصخونهـ ..الأكيد انها اسطورهـ ماعليها كلام << سنهـ قاعدهـ تحددين تاريخ اخرتها طلعت اسطورهـ ..

المهم..
فجأهـ << من اولها ..

وجد انسان نفسهـ منطولن في بر..اصبح من الصبح وهو مرتاع ولايعلم سبب وجودهـ هنا ولا يتذكر اين كان او من هو او وش يبي..كل مايراهـ "بر"..وقف على كرعانيهـ وبدا يناظر منا والا منا عساهـ يلقى شي يعلمهـ وش السالفهـ..قال الدكتور صعفق انهـ بعد قرووون عندما درس الحاله اتضح لهـ انهـ كان انسان سعودي طبيعي..موظف ملحط يروح نص راتبهـ في اقساط السيارهـ ونصهـ الثاني في الورشهـ..وكان ذات يوم قد خرج من دوامهـ فـ تعطل موترهـ على الدائري ولم يجد لهـ أبو لمبهـ يظفهـ ففكر السبههـ ان يمسها رجليهـ وكان الوقت صيفا يالله من فضلكـ ..فطبت الشمس في بطنهـ بعد ان ضربتهـ ومسحت بهـ البلاط .. وهذا هو التفسير المنطقي لما حدث..

اما خوينا..حاول ان يتذكر يتذكر لكنهـ فشل في ذلكـ ولم يستوعب الا صوت يطرطر .. واخذ يبحث عن مصدرهـ..
بعد ساعهـ تعب الصوت وماحولهـ احد..وقال..انا بطنكـ يالسبههـ .. واذا سمعتني مرتن اخرى ابيكـ تدري انكـ جوعان يالهيس..
قعد هذا الانسان يحكـ رأسهـ .. فهو لا يعرف الحتسي ايضا..<< فجأهـ لقى عمرهـ منطول..الله لايلومهـ فقال بطنهـ..بأقعد اعلمكـ كلش..دور لكـ شي حطه بخشتكـ خلني اسكت واقيل .. هاهاها يالهـ من بطنن سعودي ..
مشى الانسان الصتيمهـ يبحث عن شي يبلعهـ..وهيهات يلقى لهـ اشجار وغابات وثمار وماوكلي وطقتهـ..معصي فهو في طعوس نجد..

واللتي قال فيها الشاعر ابو حمد العميان..

يا ماشي(ن) على طعوس نجد تبطي والله تلقى لكـ غابهـ

حتى وهو عميان عارف الطبخهـ ..ثكلتهـ امهـ من شاعر ..

واصل هذا الانسان المنطول مشيهـ..وهو يفكر ماذا يمكن ان ياكل غير " تراب " ..
فجأهـ..وجد امامهـ حيوان يتمخطر ويتمشى بقدهـ المياس ..وهو يناظر خوينا هذا ويرمش في وجههـ ولسان حالهـ يقول..الله لايبلانا..

نعم..لقد وجد مايسكت بطنهـ..انهـ ضب اوروبي..اشقر وعيونهـ زرق..وش مهند عندهـ..مهرهـ بس 60 الف..من يبيهـ يابنات..؟..

فإنقض عليهـ انقضاض الأرنب على الدزت قائلا ً ان ماأدبتكـ ياابن اللذينا..

فلقط ذلكـ الضب وهم ان يدخلهـ خشتهـ..لكن الضب صاح قائلا..الله يحوم تسبدكـ..عالاقل شب لكـ ضو و اكلني مشوي..موب عالريحهـ ..مسوي تاكل كبهـ نيهـ << ضبهم يذب بعد..

من هنا كانت بداية البشريه والنهضه العمرانيهـ ..
من هنا كان اختراع النار..
ضب يعلم الانسان كيف يشب النار..ياحييييف على الشنبات..
رجال طول وعرض اخرتها ضب يعلمكـ..والله انتم يالانس تفشلون..ودي احول على الجن بس الرقم مايتغير و شهر علي وشهر عليهم ..
من يومكم يالاوادم وانتم كسلانين وتدورون العطالهـ..تبون اي شي يخليكم ماتقومون..تعشقون التسدح.. قيل ان جدنا الاكبر اسمهـ منسدح وولدهـ منبطح وحفيدهـ راقد ..

حتى ان صفة " زول " بدأت بالانقراض من السودان لتكون صفه مميزهـ في السعوديين..شيون وزولهـ ماادري وش بقيتوا..

وكل اختراع يسويهـ انسان يكون داعما لنظام ZOL3 << يعني يقرب الـ mp3..

اي انهـ تسوون اختراعات كي تبقى ايها الانسان منسدحا او منبطحا..اما على كنب اذا كنت من ذوي الـ سليب هاي << فاهمهـ الهاي كلاس غلط ..او على زولية كانت في الصالهـ وحطوها اهلكـ في الملحق تضفكـ انت وربعكـ ..

ومن اخر الاختراعات الداعمهـ لهذهـ الصيغهـ
" الثلاجهـ الراجمهـ "

كم من سبهتن الحين دق سلف للحراج يدورها حتى يمسكـ خط لمزرعة خالهـ صالح والا عمهـ حمد ويحطها تحت شجرة العبري وحفاظا على الدماء وبلاشي زبيريات متعلقهـ..

ولكن هذا من دلاختكم ايها العالم الأهبل الذي اكبر همهـ بطنهـ والملحق << هذي من بدت وهي تسفل ترا مااحد بيسكتها..؟..

فهذي الثلاجهـ اول شي تروح تشتريها << باللهي ..همن تجيبها للمكان الذي جنب مكان انبطاحتكـ ..حركات بطاريهـ ومواطير وقلة حيا مانبي..عندكـ فيش 220 والا اقلب وجهكـ حدكـ قربهـ ومشقوقهـ بعد..
بعد ماتجيبها وتشبكها تبدا تعبيها بكل مايمكن رجمهـ من قواطي بيبسي سفن الخ الخ ..المهم انهـ حلال ويجوز شربهـ ليلا ونهارا وسرا وعلانيهـ ..

وبعدها تضبط المدفع على مكان انبطاحتكـ بالضبط..وتروح لمكانكـ لتستعد لعالمن جديد من الرفاهيهـ..

وتمنياتي لكم بغرز كثيرهـ وانبطاحهـ سعيدهـ ..

من فوائد هذه الثلاجهـ غير انها سوف تخليكـ تدق سلف ان كانكـ حي اصلا لإسعاف سلمان..انها اكبر سبب للعزوبيهـ والقضاء على غلاء المهور..

بدال ماتقعد تكرف اميمتكـ والا اخياتكـ يدورون لكـ حرمهـ وتقعد تتدلع وتتشرط همن تاخذ وحدهـ غييير عن كل شروطكـ كالعادهـ..وتدفع مهر واجارات وتوابعها..
جب هالثلاجهـ واقعد تومر عليها..يعني الرجال ليش يعرس الا عشان يسوي نفسهـ قوي وكلمتهـ مسموعهـ..؟..

وللحجز والاستفسار..
الاتصال على 70024582572052850820529440 << دقوا هالرقم ولايكثر..رقمنا وبكيفنا نبيهـ طويل..وترا الدقيقهـ بـ 50 ريال وبنمحطكـ انتظار ساعهـ ان شاء اللهـ ..

نوصلها لأي مكان في العالم..التوصيل 50 % من قيمة البضاعهـ
قيمة الثلاجهـ ماراح نختلف عليها انت اطلبها ويصير خير << بدا شغل الحضارم..

واهم شي ..
هديهـ مجانيهـ ..
كاس جبن كرافت اصغر حجم يوم خلصناهـ عبيناهـ لكـ عويدي مطحون لو مالقيت احد يظفكـ للإسعاف ادعسهـ في جرحكـ وبالهنا والشفا

كانت معكم لحوظ كومبني

مايستفاد من الموضوع :

هو الموضوع مليئ بالفوائد والعبر والامثال لكن ابيكم تدورونها انتم..لين متى تعتمدون علي في كلش

:
:
:
:

أتمنى نال اعجابكمـ واحب اسمع رئيكمـ

لايكون حد منكمـ يطل ويطلع بتوطى ببطنهـ

دخلتــــ/ي كملـــ/ي جميلكـ وردي<<<هع

^_^

غجــــــــــــريهـ بلامرفئ