على طاري بغيت انسااـأإك..

..مــدخــل}
فقدكـ البابـ من لمسة عطر
يدك..}
يسألني دخيلكـ وينها أيدينه..؟
وأنا حاستني الدمعه

\\

على طاري بغيت انسى.....نسيت البارحه لـ أنساك ،،،
ذكرتك لين نسياني ......نساني في محطاتك

وش انسى دامك المرسي.وانا العايش على ذكراك ،،،
حرام الموت في لحظة.....غيابك عن مناجاتك

تعال وغطني بجفنك..........وانا جفني يصير غطاك ،،،
بفرش لك خفوقي.....والضلوع العوج مركاتك

ابدله عن جميع الخلق........واسكن داخلك وابقاك ،،،
اصير اقرب من حروف الكلام....لطاهر شفاتك

اتوهك..............واستدلك ثم اتوهك داخلك والقاك ،،،
ابسكن خافقك............حتى اصير بداخلك ذاتك

ابشرب من عروقك.........لين تروى رغبتي بدماك ،،،
ابسقيك الوريد ودم جوفي ....واكسب رضاتك’’

بهيم بغربتك ليل................ومتاهات وسفر وافلاك ،،،
ابسهر فيك واسمر.....مع دجى ليلك ونجماتك

بزورك في دجى ليل.............المساري غايتي لقياك ،،،
بضمك ثم اتوه الليل كله........عن نهاياتك

ابغرق في بحر سود العيون..........وبشربك وارواك ،،،
بهجك في خفوقي......حلم يطوي بي مسافاتك

ابي تكره غيابك..................يوم تذكر مبعدات خطاك ،،،
ابي تشتاقني بين انتهاض.....الرمش واغضاتك

اهيجن لك، ابي اسمع.........صدى صوت الغنى جواك ،،،
تهيجن لي، تبي تسمع.....صدى صوتك وكلماتك

ابيك تعيشني...............وأخذ الخفوق وماحوى يفداك ،،،
وابي قلبك لي الملفى......وبستوطن مساحاتك

ابي بيض النوايا.............هي نصيبي في حدود حماك ،،،
وانا بفتح لك ابواب المدينه......وانت وسواتك

خذ بثارك من غيابك..................وانا باخذ بثار بطاك ،،،
ابقتل فيك كل غياب.......واحيي فيك جياتك

حبيبي مابقى فيني......................بقايا تستحق جفاك ،،،
بقى تالي هداد ضلوع.......تنعى ضيم طعناتك

انا محتاج لك...................ماعاد حيلي يالجفا يقواك ،،،
تعال.......وضمني واترك حديث التيه لمرآتك

وعد مني...................ليا ضمت يميني يالغلا يمناك ،،،
نذر لنسى معك مافات.....من عمري ومافاتك

وإذا لازال بك رغبه..................تهجك للجفا تنخاك ،،،
وعجز قلبي يردك.......عن نوايا درب غاياتك
فلا لي حول بعد الله........................ولا قوة تقواك ،،،
بلوح في امان الله..........ياالمقفي بمشهاتك

وبرجع من جديد ........انسى وبنسى لاذكرك وانساك ،،،
وبظل انسى...واعيد انسى الين انسى بداياتك

{مــخــرج ..
إما تمسَح هـ الدَّمِع
لو يوم سال
وإلا إتركني .. على كيفي أصيح..}

اتمنى تعجبكــم
م\ن
يلا قولوا لي لمنو تهدوووون هالقصييده..؟! هع هع

رووووووووووووووعــًه ..

كلمآآتهـًآ تخققْ ..

يسسلم ذوقـٍك يآعـسـًل .. طوول عمرك ذوووق

انتِ لمنوو تهدينهـآ !! ؟؟ هآآآ

انتي الخقق يالغلا..
وبعدين انا سالتكم انتو ..
موانتو تسالوني اذا جاوبت رديت عليكم..
عالعموم نورتي الصفحه بوجودك الغالي..
وانتي الذوووق احرجتيني بكل صراحه..

انا محتاج لك...................ماعاد حيلي يالجفا يقواك ،،،
تعال.......وضمني واترك حديث التيه لمرآتك

وعد مني...................ليا ضمت يميني يالغلا يمناك ،،،
نذر لنسى معك مافات.....من عمري ومافاتك

إما تمسَح هـ الدَّمِع
لو يوم سال
وإلا إتركني .. على كيفي أصيح..}

عوآفي صدفة..

الله يعافيك..
بس ماقلت لي لمنو تهديه.؟!